اوجالدی نوحه سسی ، کوچه لَرده اربابین
اوجالدی غم اَلَمی خیمه لرده اربابین
اوجالدی دین باشی ، باش سیز شهید ایله بیرده
او باش کی یاده سالیر ماجراسین اربابین
یازیبدی دفتر عشقه، آدین شهیدِ ذبیح
حبیب تک، واری مین لر مدافع اربابین
گئدنده شام بلایه ، بلانی بال گؤردی
او شهدیدن ایچیب اولدی فداسی اربابین
هر ایل محرم اولاندا ، قارا الم لریله
دوشر دیله کی یوخوندور عزاسی اربابین
بو ایل محرمی الله، قان ایله وئردی نشان
اولوبدی شامده باش سیز ، فداسی اربابین
حسینه قوربان اولان، جاودان اولار اسمی
جزا گونونده اولار، آشناسی اربابین
اینانمیرام منه بوندان شیرین ده بیر زاد اولا
اؤلن گونومده گؤره م وار، رضاسی اربابین