هر نه قَدَر گؤزوم باخیر ، نیزه باشیندا باشیوه
ائتموری اِکتفا سنه ، باخماغی نازلی قارداشیم
سینه داغیله گؤز یاشین ، قالمیشام اُرتاسیندا من
گؤرموری گؤزلریم داخی ، قدیوی نازلی قارداشیم
دوزدی یزیده وِئرمَدیم ، خطبه م ایله امان ولی
دیل نیه لازم کی باشین ،خطبه دی نازلی قارداشیم
سنله علیِ اکبرین ، نی اوسته گؤرسنیر باشیز
گاه اولدوزا باخیر گؤزوم ، گاه آیا نازلی قارداشیم
سنسیز حسین بو دونیانی ، نیلوری زینبون دِئنَن
قوربان اولوم نِی اوسته کی ، باشیوه نازلی قارداشیم
گوندن ایشیخلی باشیوه ، رقیه نین گؤزی دوشور
نه سؤیلویوم دییم اونا، هاردادی؟ نازلی قارداشیم
کرب و بلایه ساخلادیم ، دویونجا بیر آغلاماغی
اوره ک دولی سؤزلریمی ، دردیمی نازلی قارداشیم