روح الله
تله سیر گوزوم کی گورسون
یوزووی دوباره قارداش
چیرپینیر اوره ک دالینجا
یئته سن نگاره قارداش
گونوزوم اولوب قارانلیک
گئجه لر گوزوم اولوب قان
نه زامان دییم کی سن سیز
چاتارام بهاره قارداش
هره بیر زادا گوون سه
منده یاریمه گوون نم
گر وئره اجازه زینب
گله رم هرایه قارداش
نچه گوندی گورمیوب گون
گوزومون گلی سولوبدی
گئجه ظلمتینده سن اول
من اوچون ستاره قارداش
هر یئره گئدیر خیالیم
سنیله اوتوردی دوردی
کاش گوره م دوغورسی بیر گون
قاییدیپ دیاره قارداش
اوره گیم ده یوخ تحمل
سندن آیری دوشسه روحوم
تله سیر گوزوم کی گورسون
یوزووی دوباره قارداش
تاپشیریب آنام سنی بول
او قدی کمان امینه
دینه یار اولان زماندا
ائده بیر نظاره قارداش
آلیب آغزینا جهالت
یئر اوزونده کفر و ظلمت
وئره جاخ دوباره قدرت
ید ذوالفقاره قارداش
قان اگر یئره توکولدی
ظلم دفتری بوکولدی
صله وئر سحر یاخیندی
گون چاتیب شماره قارداش
گوزوموز قالیبدی یولدا
مژده وئردی حی اعلا
بونی بول کی ابن زهرا
گله جاخ سواره قارداش
