ایستدی حق تانیسین پنج تنی ارض و سما
ذکر ایدوب فاطمه نون اسمینی اولده خدا
کفو خورشید ولایتدی حسینین آناسی
بوتون افلاکه بونون آدی اولوب رمز بقا
تاپشیریب امته ثقلینی یقین ختم رسل
او امانت کی اونا فاطمه جان ائتدی فدا
هر قدم گوتدی بو دنیاده حبیبین ثمری
شیطانین فتنه لرین ایلدی امریله فنا
گوزلرین یومدی بوتون جهل و عداوت یوزونه
یاندی جهلین اودونا اولدی اونا بیله جفا
توکدولر گوز یاشینی جمله ملائک گویده
چون باتیب قانینه ظلمیله او مظلوم آنا
هر نه درد اولسا بو دنیاده دوا فاطمه دور
اوت ایچینده بیله ابراهیمه امر ائتدی خدا
دئنه یا فاطمه تا ناری گلستان ایلییم
بولدوروم عالمه کی فاطمه دور عرشه صفا
خلق ائدنده ملکوتی دئدی او رب جلیل
ضامن خلقت افلاک دی بو کنز وفا
حسنینین آناسی شیر خدا همسری دور
ایکی دنیایه پیمبر قیزی دور نور هدا
عاقبت میثم اگر دنیا بویی عمرون اولا
بیر نظر فاطمه دن اولماسا سن اولما رضا
